SALVTANDI FORMVLAE
In primo congressu
Non temere docet quidam, ut salutemus libenter. Comis enim et blanda salutatio
saepe conciliat amicitiam, inimicitiam diluit: certe mutuam beneuolentiam alit
augetque. Quidam usque adeo Demeae sunt, ingenioque agresti, ut vix salutati
resalutent.
saepe conciliat amicitiam, inimicitiam diluit: certe mutuam beneuolentiam alit
augetque. Quidam usque adeo Demeae sunt, ingenioque agresti, ut vix salutati
resalutent.
Nonnullis hoc uitii conciliauit educatio uerius, quam natura.
Vrbanitatis est salutare obuios, aut eos qui nos adeunt, aut quos adimus ipsi
colloquendi gratia. Item operis aliquid agentes, coenantes, oscitantes,
singultientes, sternutantes, tussientes. In ructu crepituue uentris salutare,
hominis est plus satis urbani.
Sed inciuilius etiam eum salutare, qui reddit urinam, aut aluum exonerat.
colloquendi gratia. Item operis aliquid agentes, coenantes, oscitantes,
singultientes, sternutantes, tussientes. In ructu crepituue uentris salutare,
hominis est plus satis urbani.
Sed inciuilius etiam eum salutare, qui reddit urinam, aut aluum exonerat.
Salue pater, salue matercula, salue mi frater, salue praeceptor obseruande,
salue multum, mi patrue, salue dulcissime nepos.
Vrbanum est reddere cognationis aut affinitatis titulum, nisi cum habent
aliquid odii: tum enim praestat abuti minus quidem propriis, sed plausibilioribus:
ueluti, cum nouercam salutamus matrem; priuignum, filium; uitricum, patrem;
sororis maritum, fratrem; fratris uxorem, sororem. Idem in aetatis aut
officiorum titulis faciendum. Gratius enim fuerit, si senem patrem, aut uirum
eximium salutes, quam aetatis cognomine; etiamsi olim honoris causa dicebatur,
ῶ γέρον. Salue praefecte, salue tribune. Non autem, salue caligarie, aut calcearie.
Salue adolescens, salue iuvenis. Senes ignotos adolescentes filiorum cognomento
salutant, adolescentes uicissim illos patres aut dominos.
Blandior salutatio inter amantes:
mea Corneliola
mea uita
mea lux
meum delicium
meum suauium
mel merum
mea uoluptas unica
meum corculum
mea spes
meum solacium
meum decus
Ningún comentario:
Publicar un comentario